O obxecto do presente contrato é a execución das actuacións necesarias para a remodelación integral e migración do Centro de Procesamento de Datos (CPD) do Parlamento de Galicia, co fin de adaptar esta infraestrutura ás necesidades actuais e futuras da institución en materia de tecnoloxías da información e das comunicacións. En concreto, o contrato inclúe tanto os traballos de obra civil e adecuación do espazo físico, como a instalación de novos sistemas técnicos (eléctricos, de climatización de precisión, de protección contra incendios, seguridade física e control de accesos, entre outros), así como a migración ordenada e segura dos sistemas e servizos informáticos actualmente operativos ao novo contorno. A intervención deberá garantir en todo momento a continuidade dos servizos esenciais que dependen do CPD, polo que a execución requirirá unha planificación detallada, a coordinación entre diferentes disciplinas técnicas e a adopción de medidas que minimicen os riscos de indispoñibilidade, interrupción ou perda de datos. O resultado final deberá ser un CPD modernizado, eficiente enerxeticamente, seguro, escalable e acorde cos estándares actuais en materia de infraestrutura tecnolóxica, que asegure un soporte fiable para o funcionamento interno do Parlamento e a prestación de servizos públicos dixitais. No ámbito do presente contrato inclúese así mesmo, con carácter accesorio á obra principal, a prestación do servizo de mantemento preventivo e correctivo dos equipamentos subministrados durante a execución do contrato e polo período establecido neste prego, en particular: • O mantemento dos sistemas de climatización e control ambiental instalados ao abeiro da presente obra, incluíndo revisións periódicas, limpeza, recarga de fluídos e atención ante incidencias. • O mantemento dos sistemas de alimentación ininterrompida (SAIs), incluíndo a comprobación de baterías, probas de carga, actualizacións de firmware e substitución de compoñentes en caso de fallo. Trátase dun proxecto completo denominado Proxecto técnico de rehabilitación do centro de proceso de datos (CPD), que consta da seguinte documentación: #61494; Memoria descritiva e xustificativa da solución proposta #61494; Prego de prescricións técnicas #61494; Planos e esquemas da infraestrutura #61494; Medicións e cadro de prezos #61494; Orzamento de execución material #61494; Anexo de Seguridade e Saúde #61494; Anexo xestión de residuos. #61494; Acta de replanteo previo. Conforme as características definidas no proxecto cualificase esta obra de reparación simple, ao abeiro do disposto no artigo 232.1.b. da LCSP, non se acomete ningún tipo de demolición que afecte á estrutura nin á envolvente do edificio. As obras proxectadas non implican nin reestruturación, nin adición, nin incremento do volume, nin baleirado interior da sala. Dado que se trata dunha obra de remodelación de dependencias interiores consistente na redistribución dos elementos que conforma a CPD (Racks,

Contrato de obras licitado por Parlamento de Galicia, con las ofertas en evaluación. Procedimiento abierto. Categoría CPV 45311000.